Euskal Herriko maldetan Zigorrekin

Baionako Didam-en ekainaren 16ra arte ikus daitekeen « Vivre la pente » argazki erakusketan, Euskal Herriaren ikuspegi intimo eta kontenplatibo bat erakusten du Zigorrek.

Bere jarrera filosofikoa bere argazkilari begiaren bidez adierazten da. Argiari buruzko lan jakintsu batek, zuri-beltzaren esplotazioaren bidez, irudiak irudikatzen dituen emozioak areagotzen ditu. Zigor-en lumak ere argazkilariaren lana goraipatzen du. Euskal Herriko mendi-hegaletan ezinbestean isurtzen den uraren hariak paisaia eratzen duenez, artistak poema bat irakurtzen digu, giza espirituaren bidea, batzuetan bihurria, transkribatzen duena. Poetaren hitzak argazkilariaren begia elikatzen du. Elkarrekin, erakusketa sentibera eta hunkigarria osatzen dute, non artistak bere burua eta Izadiaren botereari buruz dituen zalantza filosofikoak ematen baitizkigu. Hemen, artistaren diskurtsoak bokazio unibertsala du.

70 lan deskubritzeko

Didam-en 70 lan inguru aurkezten dira, markoan ezarritako argazkiak, diapositibak eta tiraje monumentalak, bisitaria mendi-hegaletara edo itsaslabar ahaltsuen ertzera eramanen dutenak. Irudi horiek Zigor-en marrazki, olerki eta testuekin lagunduak izanen dira mendi barneko martxa kontenplatiboetan. Murgiltze bat, ez geografikoa, Euskal Herrian, elementu naturaletan eta norberaren bihotzea ainguratua bada ere.

Erakusketa 2022an argitaratutako izen bereko argazki liburu batetik ateratua da, zuri-beltzean Euskal Herriko paisaia aldapatsuak irudikatzen dituena. Maiatzaren 3an inauguratua izan da, Zigor, Jean-René Etchegaray Auzapeza eta Yves Ugalde, kultura arloko auzapezordea bertan zirela.

Erakusketa inguruko bitartekaritza egitaraua proposatua da: bisita gidatuak, tailerrak, topaketak… Publiko oroarentzat.

Ekainaren 16ra arte ikusgai Didam-en, Lesseps kaian, asteartetik igandera 13:00etatik 18:30era. Xehetasunak:  didam.bayonne.fr